Morisyins, Anou Sov Lanatir

Ena enn problem an se momen a Moris. Nou tou p vin aveg de se ki p arive a nou Natir. Li tris ki boku dimun pe bliye pren swin lanvironnman...pe bliye pren swin zot mama. Me zordi mo introdir zot enn grup ki p lager pou sap  nou Natir e ki p dir NON A POLISYON.  

SOV LANATIR p touzur la pou montre ki kalite Morisyins p bliye lanatir e p fer tou zot possib pou sov Moris e anpes nou Natir disparet. Kuma zot dir "Si Lanatir disparet, nou disparet!" E mo fyer de se ki zot fine akonpli ziska ler.

Poster Pou Lanvironnman

SOV LANATIR ine lance enn kanpayn lor internet e invite bann artists soumet zot travay pou montre kuma nou la ter p soufer. Tou bann posters ine poste lor zot paz Instagram avek lespoir ki bann dimun kapte dan ki fason nou p detrir la Natir nou mem. Kanpayn la ti enn sikse e ti osi pibliye dan zournal  L'Express e News. E ine osi gagn bann sponsors ki pou fer sa bann chef-d'oeuvre la vin an gran forma lor bann billboards. Anou partaz messaz la pli boku dimun!

Enn Lamars Pasifik

Enn lamars pasifik ti organize kot zot ine kapav dir seki zot ti p envi - Morisyins, Anou Sov Nou Natir Ensam. Zot ine rasemble e montre ki nou tou ensam kav sov Moris. Apre lamars, zot tou ine gagn lokazyon exprime zot lor leta nou lanvironnman. SOV LANATIR osi invite tou ONG et lotorite ki anvi kontribye e met zot proze pou sov lanvironnman de lavan. Anou travay lame dan lame, enn sel nasyon.

Ramasaz Bann Salte

SOV LANATIR ti osi invite zot tou vinn depoz zot bann salte (PAPIER, BOUTEY, CAN et PLASTIK) a sant de zeness Flacq mem zour ki ti ena lamars pasifik e zot ine ramase boku salte pou resiklaz. Gras a zot devoumen e perseverence, zot ine resi kolekte bann debri ki pou servi pou enn prosin kanpayn. E SOV LANATIR ine osi ramase bane ordirs partou lor nu zoli ti zil.

Lezot Momens For

SOV LANATIR ti osi enn de bann invite pou koz lor sityasyon nou lanvironnman ensam avek bann lezot exper diran le National Youth Political Forum. E zot ine fer enn bon inpresyon kan zot ine ramass tou bann boutey an plastik ki ti ena pendan sa meeting la. Zot ine osi asis bann zens pendan plantasyon bann pye a UTM e montre ki zot touzur la pou la Natir e bann lezot kamarads.

Enn Hike Pou Mama Natir

Tou resaman, SOV LANATIR ine organize enn hike pou profit la bote de la Natir ki Moris ena mais osi pou fer enn grand netwayaz! Avek enn lekip soude, zot ine ale nettoye la Natir et ramass boku bann salte e an mem temps apresye seki Mama Natir ine offer nou - la pais, larmoni, la bote e sirtou la mazi ki la Natir ena.

Sa blog la se enn lapel a tou Morisyins, vin aid nou pou sov nou pays, pou sov la Natir, pou sov Moris et sirtou pou sov nou mem. Si zot anvi zwen nou dan nou komba, rempli nou form!