Mo pa kone ki zot panse lor nu zoli ti zil Moris me mwa mo extra kontan nu viv dan ene pays ki Paradis. Depi so la mer ziska so natir, nu bisin dir bondie ine beni nu. E nu bisin fyer ki nu ene pays multiculturel kot tou relizyon viv en paix. Me ene zafer ki mo plis fyer se nu langaz.
Nu langaz se nu kiltir. Se samem ki demark nu depi zot tou dan antyer lemond, e nu bisin fyer ki nu ena ene langaz, ene idantite. Mo pa kon okenn lezot langaz ki dir:
- Met dife ladan
- Sakouy li
- Ene larme sek sa
- Bat lakol
- Pa pran nisa
- Net grate senti
E mo kontan nu osi konn koz Angle e Franse. Mo kontan ki nu pays inn avance e nu akonpli boku zafer. Nu pli edike me zame nu bisin bliye nu kiltir, zame nu bisin perdi nu idantite. A nu respekte nu pays e gard seki fer nu unik. A nu gard la fyerte nu bane gran parans kine voyaze depi lot pays pou vin fer ene nuvo lavi isi, a Moris.
A nou pa perdi nu zil Moris, a nu pa vin bane copi bane lezot dimun.
E zot, ki zot panse lor nu zoli langaz?
E zot, ki zot panse lor nu zoli langaz?
Comments
Post a Comment